کراچی میں ریلوے پولیس نے سٹی اسٹیشن کے گودام میں کارروائی کر کے سامان سے غیر قانونی آتش گیر مادہ اور پٹاخے برآمد کرلیے۔

جیو نیوز کی رپورٹ کے مطابق ریلوے حکام کا کہنا ہے کہ ممنوعہ سامان میں پھلجھڑیاں، پٹاخہ بم اور ڈوری پٹاخہ بم شامل ہے، آتشبازی کا سامان لاہور سے کراچی بھیجا گیا تھا۔

ریلوے حکام کا بتانا ہے کہ آتش گیر مادہ کارگو سے وصول کرنے والے 2 ملزمان کو گرفتار کر لیا گیا ہے۔ ریلوے حکام کے مطابق ملزمان کے خلاف تھانہ ریلوے پولیس کراچی سٹی میں مقدمہ درج کر لیا گیا ہے۔

Written By ویب ڈیسک

ٹائمز آف کراچی کے ویب ڈیسک ذریعے مختلف موضوعات پر خبریں شائع کی جاتی ہیں۔ جو سیاست، معاشرے، ثقافت اور تفریح ​​سمیت متعدد موضوعات کا احاطہ کرتی ہے۔