کراچی کے علاقے گلستان جوہر میں افسوسناک واقعہ پیش آیا۔ نشے میں مبتلا شخص نے مبینہ طور پر اپنی بیوی اور تین بچوں کو قتل کردیا گیا۔

پولیس کے مطابق قتل کا یہ واقعہ گلستان جوہر میں پیش آیا جہاں خاتون سمیت اس کے تینوں بچوں کو بے دردی سے گھر میں ہی قتل کیا گیا۔

پولیس کا بتانا ہےکہ قتل کی واردات میں مبینہ طور پر شوہر ہی ملوث ہے، قتل کا مقدمہ سسر کی مدعیت میں درج کرکے ملزم کو حراست میں لے لیا گیا ہے۔

پولیس کے مطابق ملزم  نشے کا عادی ہے جو  5 سال سے کرسٹل کا نشہ کررہا ہے اور ملزم کے بیانات میں بھی تضاد ہے۔ پولیس کا کہنا ہےکہ جائے وقوعہ سے آلہ قتل برآمد نہیں ہو سکا جس کی تلاش جاری ہے۔

Written By ویب ڈیسک

ٹائمز آف کراچی کے ویب ڈیسک ذریعے مختلف موضوعات پر خبریں شائع کی جاتی ہیں۔ جو سیاست، معاشرے، ثقافت اور تفریح ​​سمیت متعدد موضوعات کا احاطہ کرتی ہے۔