پاکستان کے اسٹار کرکٹر شعیب ملک نے سوشل میڈیا پلیٹ فارم انسٹا گرام اور ٹوئٹر کی پروفائل سے اہلیہ ثانیہ مرزا کا نام ہٹا دیا ہے جس کے باعث اسٹار جوڑے میں علیحدگی کی افواہیں بڑھ گئی ہیں۔

شعیب ملک نے اپنے انسٹا بائیو میں ثانیہ مرزا کو ٹیگ کرتے ہوئے لکھا تھا کہ کھلاڑی، سُپر ویمن ثانیہ مرزا کا شوہر اور ایک نعمت (بیٹے) کا باپ (father of one true blessing)۔ 

شعیب ملک نے اپنے انسٹا بائیو میں تبدیلی کرلی ہے، شعیب ملک نے کھلاڑی کی جگہ ’پرو ایتھلیٹ‘ لکھا ہے جبکہ ’سُپر ویمن ثانیہ مرزا کا شوہر‘ ہٹا دیا ہے جبکہ اس کی جگہ Live Unbroken لکھ لیا ہے، تاہم اپنے بیٹے کے حوالے سے لکھا ہوا جملہ نہیں ہٹایا۔

واضح رہے کہ اسٹار جوڑی نے ان افواہوں کے حوالے سے کوئی تصدیق نہیں کی ہے چند ماہ قبل ازدواجی تعلق سے متعلق شعیب ملک نے ہی ایک انٹرویو میں بتایا تھا کہ ان کے اور اہلیہ کے درمیان سب کچھ ٹھیک ہے۔

وہ دونوں اس لیے ایک ساتھ نہیں رہ رہے کیونکہ ٹینس چھوڑنے کے بعد ثانیہ کا بھارت میں ایک فرنچائز کے ساتھ معاہدہ ہے جس میں وہ مصروف ہیں جب کہ ان کے بیٹے سے بھی دن میں دو سے تین مرتبہ موبائل فون پر بات چیت ہو جاتی ہے۔

شعیب ملک اور ثانیہ مرزا نے اپریل 2010 میں شادی کی تھی اور دونوں کی شادی کی خبریں نہ صرف پاکستانی اور بھارتی میڈیا بلکہ عالمی میڈیا کی بھی زینت بنیں۔

 

Written By ویب ڈیسک

ٹائمز آف کراچی کے ویب ڈیسک ذریعے مختلف موضوعات پر خبریں شائع کی جاتی ہیں۔ جو سیاست، معاشرے، ثقافت اور تفریح ​​سمیت متعدد موضوعات کا احاطہ کرتی ہے۔