دنیا کی مختصر دورانیہ کی ویڈیو شیئرنگ پلیٹ فارم ٹک ٹاک نے ٹیکسٹ پوسٹ کرنے کا فیچربھی مہیا کر دیا گیا ہے۔ اب ٹک ٹاکرز بھی تحریری پوسٹس میں اپنے خیالات کا اظہار کر سکیں گے۔

ٹک ٹاک پر ابتداءمیں مختصر دورانیے کی ویڈیوز شیئر کی جا سکتی تھیں۔ بعد ازاں ویڈیوز کی طوالت میں اضافہ کیا گیا اور اب ٹک ٹاک پر تھریڈز اور ایکس کی طرح صرف ٹیکسٹ پوسٹ کرنے کا فیچربھی مہیا کر دیا گیا ہے۔چنانچہ اب ٹک ٹاکرز بھی تحریری پوسٹس میں اپنے خیالات کا اظہار کر سکیں گے۔

ٹک ٹاک انتظامیہ کا کہنا ہے کہ ٹیکسٹ پوسٹس کانٹینٹ کریئٹرز کو بااختیار بنانے اور اظہار خیال کے دلچسپ مواقع فراہم کرنے کے لیے ڈیزائن کیا گیا ایک جدید فارمیٹ ہے۔

ٹیکسٹ پوسٹس کے ساتھ ٹک ٹاک کانٹینٹ کی تخلیقی حدود کو وسیع کرکے اپنی متحرک کمیونٹی کو کہانیوں، نظموں، ترکیبوں اور دیگر تحریری کانٹینٹ کو پیش کرنے کا ایک طریقہ پیش کررہا ہے۔

ٹک ٹاک استعمال کرنے والے صارفین اب ویڈیوز شیئر کرنے کے ساتھ تحریری پوسٹ کرسکتے ہیں۔ ٹک ٹاک کے کیمرہ صفحہ پر صارفین کے پاس اب تین آپشنز ہیں: تصویر، ویڈیو اور ٹیکسٹ۔ ان میں سے ٹیکسٹ کا انتخاب کرنے سے ٹیکسٹ کریئشن پیج کھلتا ہے، جہاں تخلیق کار اپنے خیالات اور سوچ کو تحریر کی صورت میں پوسٹ کرسکتا ہے۔

ٹک ٹاک کا کہنا ہے کہ پوسٹ پیج پر صارفین کو کسٹمائزیشن کے آپشنز کا ایک مجموعہ ملے گا۔ ان کا مقصد یہ یقینی بنانا ہے کہ صارفین کی ٹیکسٹ پوسٹس کسی بھی ویڈیو یا تصویر کی طرح جاذب نظر اور دلکش ہوں۔ 

ساؤنڈ کو شامل کرنا، مقامات کو ٹیگ کرنا، کمنٹس کو فعال کرنا اور ڈوئٹس کو مدعو کرنا یہ سب ٹِک ٹاک کو ممتاز اور منفرد بناتے ہیں۔

ٹیکسٹ پوسٹس متعد ایسے فیچرز سے لبریز ہوتی ہے جو ٹیکسٹ بیسڈ کانٹینٹ کی اشاعت اور صارفین کی توجہ حاصل کرنے کے مقصد سے ڈیزائن کی گئی ہیں۔ جس میں اسٹیکرز، ٹیگز، ہیش ٹیگز، بیک گراؤنڈ کلرز، ڈرافٹ وغیر شامل ہیں۔

Written By ویب ڈیسک

The Webdesk of Times of Karachi is known for its captivating stories that cover a range of topics, including politics, society, culture, and entertainment.