چین کی ملٹی نیشنل کمپنی علی بابا کے شریک بانی اور دنیا کے امیرترین شخصیات میں شامل جیک ما  اچانک خفیہ دورے پر پاکستان پہنچے۔ جیک ما نجی دورے پر پاکستان کے دوسرے بڑے لاہور پہنچے۔ جیک ما مبینہ طور پر جمعرات کو ہانگ کانگ بزنس ایوی ایشن کے ایک چارٹرڈ طیارے پر پاکستان کے لیے سفر پر روانہ ہوئے تھے۔

سابق وزیرِ مملکت اور بورڈ آف انویسٹمنٹ کے چیئرمین محمد اظفر احسن نے سماجی رابطے کی ویب سائٹ ٹوئٹر پر جیک ما کے دورہ پاکستان کی تصدیق کی اور بتایا کہ جیک ما دراصل ایک نجی دورے پر لاہور میں موجود ہیں۔ جیک ما 30 جون کو دورہ پاکستان پر پہنچے تھے۔

سابق وزیرمملکت نے اپنے ٹوئٹ میں لکھا ہے کہ جیک ما 7 افراد کی ایک ٹیم کے ساتھ پاکستان آئے ہیں جن میں 5 چینی، 1 امریکی اور 1 ڈنمارک کا شہری شامل ہے۔

محمداظفراحسن نے بتایا کہ جیک ما کا یہ دورہ پاکستان اچانک اور خفیہ ہے اور انکی پاکستان آمد اور یہاں کی مصروفیات سے متعلق چینی سفارت خانے کو بھی علم نہیں ہے۔

محمداظفراحسن نے ٹوئیٹر پر ہی مزید پیغامات میں جیک ما کی لاہور میں اپنے دوستوں کے ساتھ تصاویر شیئر کرتے ہوئے بھی انکی پاکستان آمد کی تصدیق کی۔

Written By ویب ڈیسک

ٹائمز آف کراچی کے ویب ڈیسک ذریعے مختلف موضوعات پر خبریں شائع کی جاتی ہیں۔ جو سیاست، معاشرے، ثقافت اور تفریح ​​سمیت متعدد موضوعات کا احاطہ کرتی ہے۔